There are no translations available.

Urriðadans á Þingvöllum 2011

Laugardaginn 15. október kl. 14:00  verður hin árlega fræðsluganga Urriðadans á vegum Þjóðgarðsins á Þingvöllum og LaxfiskUrridahrygna-Brown_Trout-Copyright-Laxfiskar.isa.

Gangan verður að vanda í umsjón Jóhannesar Sturlaugssonar hjá Laxfiskum og hefst klukkan14:00 á bílastæðinu þar sem Valhöll stóð.     

 

Gangan spannar stutta og þægilega gönguleið upp með hrygningarsvæði urriðans. Fyrst er stoppað við brúna undan bílastæðinu til þess að fræða gesti um búnað sem er starfræktur þar undir brúnni sem gerir kleift að skrá ferðir urriða á leið til og frá hrygningarstöðvunum. Síðan er gengið með Öxará upp undir Almannagjá þar sem risaurriðar og aðrir minni verða skoðaðir og fjallað um lífshætti þeirra. Fræðslugöngunni lýkur í Fræðslumiðstöðinni við Hakið þar sem Jóhannes flytur erindi um Þingvallaurriðann með tilheyrandi myndasýningu. Þetta árið er ekki hægt að ganga upp í Fræðslumiðstöð þar sem gönguleiðin um Almannagjá er lokuð vegna framkvæmda við nýja sprungu efst í Kárastaðastíg. Því þurfa þeir göngugestir sem vilja hlýða á erindið í Hakinu að aka þangað.

Urridadansinn-2010-a

 

Rétt er að minna á það að fólki er ætlað að hafa sína hentisemi varðandi það hve lengi það tekur þátt í göngunni. Því sumum hentar að sjá framan í nokkra urriða og heyra það helsta um lífshætti þeirra á meðan aðrir stoppa lengur við og hlýða jafnvel á erindið sem er í lokin í Fræðslumiðstöðinni við Hakið.

Reports

  Hradastadir 1

  IS-271 Mosfellsbaer

  ICELAND

 

  Email: johannes@laxfiskar.is

  Tel: + 354 - 664 7080