- Monday, 17 October 2011
Víðfeðm kynning á Þingvallaurriðanum
Þetta haustið hafa niðurstöður rannsókna Laxfiska á Þingvallaurriðanum verið kynntar víða með veglegum hætti.
Sú kynning endurspeglar sívaxandi áhuga fólks á þessum konungi íslenskra ferskvatnsfiska og lífsháttum hans. Í lok þessarar fréttar er að finna fróðlegar myndir og myndskeið frá urriðagöngunni á Þingvöllum síðastliðinn laugardag.
Umrædd fræðsla hófst þegar þrír stórurriðar úr Öxará fóru í Háskólabíó í áliðnum september þar sem þeir lögðu sín lóð á vogarskálar Vísindavöku Rannís og vottuðu um leið Háskóla Íslands virðingu sína á 100 ára afmæli skólans. Þar dvöldu urriðarnir í fiskabúri gestum sýningarinnar til ánægju en nóttina eftir tóku þeir að nýju til við hrygningu í Öxaránni. Hér fylgir mynd frá bíóferð urriðafélaganna.
Read more...- Wednesday, 05 October 2011
Laugardaginn 15. október kl. 14:00 verður hin árlega fræðsluganga Urriðadans á vegum Þjóðgarðsins á Þingvöllum og Laxfisk
a.
Gangan verður að vanda í umsjón Jóhannesar Sturlaugssonar hjá Laxfiskum og hefst klukkan14:00 á bílastæðinu þar sem Valhöll stóð.
Read more...- Friday, 16 September 2011
í Háskólabíói föstudaginn 23. september kl. 17-22
Eins og undanfarin ár munu Laxfiskar vera með sýningarbás á þessum árlega viðburði þar sem almenningi gefst kostur á að kynnast starfi vísindafólks.
Í bás Laxfiska verða lifandi fiskar til sýnis og rannsóknir á ferðum fiska kynntar undir kjörorðinu Ferðaglaðir fiskar. Vef Vísindavöku má finna hér.
- Wednesday, 20 July 2011
Göngur laxins í Elliðaánum 2011
- Vöktunarrannsóknir Laxfiska
Í ár tók rannsóknafyrirtækið Laxfiskar við árlegum fiskirannsóknum í Elliðaánum sem meðal annars taka til vöktunar á göngum laxins. Laxfiskar tóku að sér fiskirannsóknirnar og tilheyrandi vöktun að beiðni Stangaveiðifélags Reykjavíkur sem hefur umsjón með Elliðaánum fyrir hönd Orkuveitu Reykjavíkur og Reykjavíkurborgar. Hér er gefin innsýn í þessi rannsóknaverk 2011 og niðurstöður þeirra.
Read more...